Глобалната побарувачка за нафта продолжува да расте и би можела да достигне 104,6 милиони барели дневно (bpd) во 2025 година, изјави денес рускиот вицепремиер Александар Новак на Руско-кинескиот енергетски форум во Пекинг.
Според него, побарувачката се зголемила за околу 1,3 милиони барели дневно минатата година, а сличен раст се очекува и оваа година, пренесува ТАСС.
Новак, исто така, спомена дека потрошувачката на електрична енергија на глобално ниво се зголемува со забрзано темпо, со зголемување на побарувачката од индустријата и домаќинствата.