Саксо банка предвидува откажување на Брегзит во 2023 година

79

Саксо  банка е позната по тоа што прави храбри предвидувања наменети да ги натераат инвеститорите да размислуваат за страшните работи што би можеле да се случат во наредната година.

Оваа банка повторно ја изненади јавноста објавувајќи „шокантни предвидувања“ за светските настани за следната година.

Инвестициската банка од Данска во своите годишни прогнози предвидува дека 2023 година ќе ја потресе воената економска политика, дека во Велика Британија ќе се одржи референдум за повторен пристап во Европската унија, дека францускиот претседател Емануел Макрон.

– Секоја надеж за враќање на дезинфлациската динамика пред пандемијата е невозможна бидејќи влеговме во глобална воена економија, сите големи сили ширум светот набрзина ја зајакнуваат својата национална безбедност на сите фронтови – рече Стен Јакобсон, главен инвестициски директор на Саксо банка.

Свртување на Брегзит
Според него, тоа сценарио е веќе на дело „или во вистинска воена смисла, или поради длабоки нарушувања на синџирот на снабдување, енергија, па дури и финансиски несигурности кои се изложени од искуството од пандемијата и руската инвазија на Украина.

Данската банка предвидува дека ќе се воведат широки контроли на цените поради неуспехот на владите во земјите како САД и Велика Британија да ја ограничат дивата инфлација, што ќе придонесе за скок на цената на златото до 3.000 долари за унца, пренесува Телеграф.

Политичките превирања во Велика Британија, погодена од рецесија, ќе доведат до референдум за поништување на Брегзит откако Лабуристичката партија ќе ја преземе власта во третиот квартал, предвидува Саксо. Веројатно е гласање за „повторно приклучување“.

Банката рече дека нејзините предвидувања за 2023 година, вклучително и договорот за создавање армија на ЕУ, делумно се инспирирани од сличностите меѓу Европа денес и условите на континентот на почетокот на 20 век.

– Украинската инвазија донесе во Европа менталитет на воена економија на размери невидени од 1945 година. Не се работи само за несоодветните воени капацитети во Западна Европа, туку и за индустрискиот модел, со Германија како столб, кој е егзистенцијално доведена во прашање поради фактот што Европа се откажа од евтината и изобилна руска нафта и гас – Кина, Индија и Организацијата на земјите извознички на нафта (ОПЕК) ќе се спротивстават на американската доминација во глобалниот монетарен систем преку создавање меѓународна клириншка унија и нови резервни средства – предвидува Саксо.