Кралското семејство на Саудиска Арабија одлучи да го укине системот „кафала“ преку кој странските работници доаѓаа во оваа земја, со што таа стана трета земја на Блискиот Исток што ја усвои оваа реформа.
Системот „кафала“, кој беше воведен во 1950-тите во земјите од Заливот поради потребата од евтина работна сила, е укинат во Бахреин и Израел.
Овој систем значеше врзување на странските работници за првиот работодавач за кој работеле по пристигнувањето во земјата.
Работодавачите ги користеа, па дури и ги злоупотребуваа овие права. Имаше чести случаи на одземање пасоши и закани за депортација, на кои работниците не можеа да реагираат.
Со одлука на кралското семејство, а како дел од сеопфатните реформи спроведени во последните неколку години, Саудиска Арабија ќе го укине овој систем и ќе го замени со систем базиран на договори.
Според новите правила, странските работници ќе можат да менуваат работни места, да ја напуштат земјата и да бараат правен совет во случај на злоупотреба.