Фото: Pixabay
Започнување семеен бизнис претставува сериозен чекор во светот на претприемништвото. Да бидете газда сам на себе, колеги да ви бидат луѓе од блиското окружување… сето тоа може да донесе бенефити, но и предизвици. Овие совети би можеле да ви бидат од корист ако планирате да започнете семеен бизнис…
Бидете информирани и не оставајте ништо на случајност – доколку планирате да почнете сопствен бизнис, тогаш голем дел од вашите ресурси ќе ги “преселите“ во новата фирма. Затоа бидете внимателни, информирајте се добро за сите фактори што имаат директно или индиректно влијание врз успехот на вашата компанија. Земете ги предвид дури и најмалите детали, бидејќи никогаш не се знае.
Не заборавајте на бенефитите од добро сработениот бизнис план – просечниот бизнис план има околу 20 страници и има за цел да направи преглед на сите активности поврзани со бизнисот – кој е производот или услугата што се нуди, начинот на производство, како ќе се дистрибуира, како ќе се промовира, колку финансиски средства се неопходни, основни извори на приходи…
Јасна цел ве води кон успех – ако имате јасно определена цел, активности што ќе ги преземете на тој пат, верувајте дека успехот е неизбежен. Тоа значи дека мора да ги разграничите важните од неважните работи и на тој начин да не го загубите фокусот во текот на целиот процес на работа.
Не плашете се да побарате помош – помошта е добредојдена секогаш кога е добронамерна. Тоа значи дека секогаш кога имате потреба, побарајте помош од луѓе во кои имате доверба и нивниот одговор ви значи.
