Шпанскиот тенисер Рафаел Надал потпиша договор со семејството Ескарер, сопственик на ланецот хотели Мелиа, со што стана инвеститор во хотелиерството.
Во Мадрид се одржа церемонија на која беше претставен новиот синџир хотели „Зел“, кој го лансираше 36-годишниот Надал. Шпанскиот тенисер потпиша договор со Габриел Ескареро, сопственик на Melia International Hotels Group.
Ескарер и Надал долго време работеа на овој проект, а првиот хотел ќе биде отворен во летото 2023 година на Мајорка, каде што е роден и живее шпанскиот тенисер.
We are glad to announce the new mediterranean brand from Meliá and @RafaelNadal: Zel Hotels. A collection of hotels inspired by the welcoming homes, outdoor culture, and spontaneous lifestyle of the Mediterranean.#zelhotels #BornInTheMedhttps://t.co/Sf4OsddY3K pic.twitter.com/av61STH93h
— MELIÃ HOTELS INT (@MeliaHotelsInt) December 15, 2022
Во следните четири до пет години се планира отворање на 20 хотели „Зел“ во бројни градови, меѓу кои Мадрид, Париз и Лондон.
Претставниците на компанијата Мелиа изјавија дека синџирот ќе биде насочен кон „дестинации кои привлекуваат туристи со висока куповна моќ“, особено медитеранските земји како Шпанија, Франција, Италија или Хрватска, но и Карибите, Југоисточна Азија и Блискиот Исток.
Исто така, синџирот ќе биде присутен во главните туристички метрополи, бидејќи се планира отворање хотели во Лондон, Париз и Мадрид.
– Тие хотели ќе бидат отворени 80 проценти преку реновирање на постоечките капацитети, што ќе помине низ длабока трансформација, за да се стекне медитеранскиот дух на Зел. Но, целта е најголемиот дел од хотелите да се градат исклучиво за Зел – изјави извршниот директор на групацијата Мелиа, Габриел Ескарер.
Надал изјави дека е многу возбуден поради новиот проект.