Кога се започнува бизнис треба да се има јасна замисла за тоа каков проблем или потреба компанијата треба да реши. Освен тоа, треба да се знае и каков бенефит ќе има бизнисот врз околината каде што ќе дејствува, но и да се биде реален во очекувањата.
Постојат многу карактеристики што го чинат бизнисот успешен, просечен или неуспешен, но само неколку од нив се заеднички за оние што се наоѓаат на врвот.
Ефикасна комуникација
Во една успешна компанија комуникацијата не е проблем. Секој јасно знае што треба да се сработи и како, вработените ја знаат визијата и замислата на менаџерите и за секој проблем се зборува со “отворени карти на маса“. Соработката и транспарентноста се на прво место и затоа секој работи ефикасно, што придонесува за успешност на целата организација.
Лидерски менаџмент
Шефувањето наоколу, кое честопати е придружено со супериорен однос кон вработените, не може да придонесе за успешност во една компанија. На вработените им треба лидер кој чекори заедно со нив, им дава прецизни инструкции и разговара секогаш кога ќе има потреба. Токму тоа го практикуваат оние најуспешните – еднаквост и лидерство.
Споделено знаење
Во успешните компании вработените и менаџерите заеднички ги решаваат проблемите. Секоја информација е споделена и заеднички се бара излез од ситуацијата. Само тогаш кога компанијата работи како една целина успехот не изостанува.
Фото: Pexels
