Што се случи со цените на автомобилите во последните три децении: Kолку чинел голф во 1991, а која е цената денес

232

Цените на автомобилите растат, во последно време драматично. Растат и цените на суровините, тука е и инфлацијата, а напредокот во областа на безбедноста и новите технологии исто така мора да се наплати.

Но, колку навистина пораснале цените на автомобилите во последните 30 години? Германски  T-online.de  тоа го илустрира со примерот на фолксваген голф во Германија.

Основниот модел во 1991 година чинел само 10.213 евра (пресметано од тогашните германски марки).

Цената постепено растела, за во јануари 2023 година најевтиниот голф на германскиот пазар да чини дури 29.560 евра. Разликата е огромна.

Година                                    основна цена (ЕУР)
1991.                                      10.213
1997.                                      13.140
2003.                                      15.220
2008.                                      16.500
2012.                                      16.975
2020.                                      19.880

Ако се погледнат цените, се гледа дека убедливо најголемиот раст на цените е забележан во последните 2-3 години, кои беа обележани со пандемиската криза, кризата со недостигот од чипови и војната во Украина.