Растот на кредитите на домаќинствата на годишно ниво е шест проценти и изнесува 754,9 милиони евра. Во 2024 година, словенечките банки остварија 1,2 милијарди евра добивка пред оданочување, што е за 5,5 отсто повеќе од претходната година. Нето добивката е намалена за 2,1 отсто во првата од петте календарски години во кои се применува данокот на имот врз основа на Законот за обнова од поплави.
Таа изнесува нешто помалку од 1,1 милијарди евра, објави Банката на Словенија, пренесува СТА. Нето приходите од камати се зголемени за 8,6 отсто на 1,57 милијарди евра, додека некаматните приходи се зголемени за 34,5 отсто на 720 милиони евра, објави Банката на Словенија во најновата информација за работењето на банките. Бруто приходот е за 15,6 отсто поголем на годишна основа и изнесува нешто помалку од 2,29 милијарди евра.
Оперативните трошоци се зголемени за 22,3 отсто и изнесуваат 1,02 милијарди евра. Нето приходите на банките се повисоки за 10,7 отсто и изнесуваат 1,27 милијарди евра.
Нето-исправките и резервациите на ниво на банкарски систем се удвоија на 70,5 милиони евра. Банките го зголемија обемот на кредити на небанкарскиот сектор за 5,5 отсто, на 1,47 милијарди евра. Растот на кредитите на домаќинствата на годишно ниво е шест проценти и изнесува 754,9 милиони евра.
Потрошувачките кредити продолжуваат да доминираат во финансирањето на домаќинствата, со годишен раст од 13,5 отсто во октомври.