Instagram регистрираше вкупно 400 милиони корисници со што официјално го надмина Twitter. Според Statista, Twitter има вкупно 316 милиони корисници, додека Facebook е сè уште на првото место со 1,5 милијарди корисници низ целиот свет, пишува CNBC.
На оваа социјална мрежа, што е во сопственост на Facebook, дневно споделуваат фотографии 80 милиони корисници.
Повеќе од половина од новите 100 милиони корисници се од Европа и Азија, додека најголем пораст на бројката е забележан во Бразил, Јапонија и Индонезија.
Овој месец Instagram претстави и план за проширување на понудата за огласувачите што отвора низа нови можности за глобален маркетинг, вклучувајќи и видео огласи со времетраење од 30 секунди.
Се проценува дека со новиот чекор во рекламирањето вредноста на социјалната мрежа ќе достигне 1,48 милијарди долари.