Патничкиот сообраќај на европските аеродроми се врати на нивоата пред Ковид во првата половина од годината, а овој сектор конечно ја „сврте главата“ на пандемската криза, соопштиМеѓународниот аеродромски совет на Европа.
Но, здружението предупреди дека закрепнувањето е нерамномерно, со речиси половина од европските аеродроми сè уште под нивото пред пандемијата.
Патничкиот сообраќај се зголеми за девет отсто во првите шест месеци од 2024 година во споредба со истиот период минатата година, според Меѓународниот совет на аеродроми во Европа.
„Бидејќи вкупниот патнички сообраќај конечно го надмина нивото од 2019 година за цели шест месеци, нашата индустрија сега го помина својот најлош период“, рече извршниот директор на ACI Europe, Оливие Јанковец, според АФП.
Меѓународниот сообраќај беше главен двигател на растот годинава, со раст од 10,3 отсто во првата половина од годината во однос на истиот период лани. Внатрешниот сообраќај е поголем за 4,2 отсто.
Бројките „конечно“ го потврдуваат „целосното закрепнување на аеродромската индустрија од пандемијата Ковид-19“, се вели во соопштението на ACI Europe, пренесува CdM.
