Американскиот ланец на кафетерии Starbucks на клиентите ќе им овозможи нарачките да ги прават преку гласовна порака на мобилна апликација за iOS оперативен систем и Amazon Alexa платформа.
My Starbucks® barista е нова технологија на нарачување и плаќање преку гласовна порака, базирана на вештачка интелигенција. Оваа опција се тестира на мал број iOS уреди во облик на бета верзија, а до крајот на годинава ќе биде достапна во конечна верзија за iOS и Android оперативни системи.
Новото дигитално искуство е продолжение на Starbucks Mobile Order & Pay што им овозможува на клиентите да нарачаат и платат пред да пристигнат во кафетеријата.