Од 28 до 30 октомври 2016, во Хаб Скопје, со поддршка на Проектот на УСАИД за микро и мали претпријатија, кофинансиран од Владата на Швајцарија, имплементиран од ЦЕЕД Македонија, ќе се одржи Старт-ап Викенд Скопје, тридневен настан на кој програмери, дизајнери, маркетинг експерти, продукт менаџери и старт-ап ентузијасти се собираат да ги споделат своите идеи, да создадат производи и да ги промовираат своите старт-ап компании. Учесниците ќе имаат можност да работат со ментори, искусни експерти во своите области, а на крајот ќе ги презентираат своите идеи пред жири.
Жирито е составено од Кевин Бароу, претприемач, Пеце Ангелковски, основач и извршен директор на X3M Labs, Ивана Станковиќ, менаџер во South Central Ventures, Дамиан Дамјановски, ко-основач на Common V, Макс Гурвиц, CCC Startups, Метин Муареми, претседател на Центар за едукација и развој CED, Филип Петковски, извршен директор на CornerCase.
Startup Weekend е глобална мрежа на лидери и претприемачи со мисија да инспирираат, едуцираат и да поттикнуваат индивидуалци, тимови и заедници.
