Foto: Kickstarter
Stompump Tire Inflator е пумпа за велосипеди што ги полни гумите со потребната количина на воздух брзо, во секое време и со минимум енергија.
Ваквите пумпи најчесто се големи и тешко можат да се сместат на велосипедот, што не е случај со Stompump Tire Inflator. Таа со себе има механизам што се вградува на велосипедот под местото за шише за вода.
Производот е дело на старт-ап со седиште во Саусалито, Калифорнија. Stompump Tire Inflator ги пумпа гумите три пати побрзо од обичните пумпи, без многу енергија.
Пумпата е направена да се користи за пумпање на гуми на велосипеди, скутери, колички за бебиња, а може да се искористи и за пумпање на гуми на автомобил, поголеми мотори и приколки за автомобили.
Производот има своја кампања на платформата Kickstarter и досега има собрано 14.884 долари, од потребните 10.500 долари, а кампањата трае уште 55 дена.
Првите испораки на производот се очекува да бидат во август годинава.
