Трговскиот суд во Париз го казни производителот на Ајфон, Епл (Apple) со малку повеќе од милион евра поради наметнување рестриктивни комерцијални клаузули за француските развивачи на апликации за пристап до Апп Стор на компанијата.
Во пресудата се наведува дека нема потреба да се нареди на Епл, чија пазарна вредност е околу 2,1 трилиони долари, да ги приспособи клаузулите на Апп Стор, бидејќи претстојниот Закон за дигитални пазари на Европската унија во секој случај ги бара тие промени, пишува Ројтерс.
Иако е мал во споредба со огромниот профит што го генерира Епл, паричната казна од судот во Париз е уште еден знак за правен притисок врз компанијата. Портпаролот на Епл рече дека американската компанија ќе ја разгледа пресудата и верува дека „во жив и конкурентен пазар каде што иновациите можат да процветаат“.
Епл се соочува со зголемена антимонополска контрола врз нејзините договорни практики по усвојувањето на новиот закон на ЕУ кој ги таргетира технолошките компании чии платформи и софтвер станаа незаменливи за помалите дигитални компании.