SuperYacht Tender & Toys компанија од Сафолк, Англија креираше револуционерен нов производ за сите оние кои истовремено сакаат да уживаат во морето и да пливаат во базен.
Наречен едноставно SuperPool, тој е всушност базен на дување со мрежа која ја филтрира водата, палуба за одморање и сончање, како и приватен простор за пливање каде и да посака сопственикот.
Базенот има подни даски кои можат да се одвојат и со нив да се формира структура и форма по желба. Покривката која се наоѓа над базенот може да се отстрани за потребите на оние кои сакаат да уживаат во сонцето.
На супер базенот можат да се додадат и екстра места за седење, па за кратко време истиот да се претвори во совршено место за забава на отворено море или плажа. Благодарение на LED системите за осветлување SuperPool може да се користи и ноќе.
Направен е од висококвалитетни материјали и е многу лесен за користење.
