Фото: Pixabay
Мислите дека преговарањето е блефирање и фалење? Размислете повторно. Според Рони Рос, основач и извршен претседател на Panorama Software, компанија која нуди софтвер за деловна интелигенција на 1.600 клиенти во 30 земји, тајната на успешното преговарање е ослободување од егото.
Со MBA диплома и образование од областа на компјутерски науки, таа беше една од ретките жени која работеше на тоа поле.
Рос го креираше овој софтвер преку нејзината старт-ап Panorama и кон средината на 1996, Microsoft ја побара да се сретнат. По три часовна демо презентација на софтверот, тимот на Microsoft и понуди на Рос да ја купи нејзината компанија. Panorama тогаш броеше вкупно 20 вработени. Успешното преговарање на Рос со Microsoft и донесе партнерство со гигантот кои трае со децении. Еве што Рос советува:
Одржувајте ја дискусијата во насока на резултатите
Треба да бидете сигурни во себе, за да можете да се справите со нештата без ни малку да го користите егото. За време на дискусијата, фокусирајте се исклучиво на резултатите што можат многу да придонесат за двете страни. Држете се до фактите.
Бидете мудри, не паметни
Секогаш покажувајте почит и разбирање за другата страна. Насочете се на заедничките интереси. Ако покажете почит кон соговорникот/ците, бидете сигурни дека и тие ќе го сторат истото. Реагирајте мудро, не се обидувајте да изгледате паметно.
Отворено зборувајте за она што ве загрижува
Со оглед на успешноста и големината на Microsoft, Рос стравуваше дека софтверскиот гигант нема да се придржува до договорот и дека ќе произведе сопствен производ, а нејзината компанија ќе остане без работа. Таа реши отворено да зборува за нејзината грижа. Од Microsoft имаа целосно разбирање за тоа и и помогнаа да разбере како нештата финкционираат. Ако имате било какви грижи отворено кажете ги, само така комуникацијата ќе оди во вистинска насока.
Избегнувајте го “Јас” во вашите тврдења
Наместо јас користе го “ние”… ние треба да дојдеме до решение… така ќе постигнете многу подобар договор. Вашето его нема да биде нахрането, но ќе обезбедите многу за вашата компанија.
Вклучете го говорот на телото
Низ годините Рос забележа дека многу често луѓето кои се навалуваат наназад на столот на кој седат, се дистанцираат од разговорот кој е во тек, односно од другата страна вклучена во истиот. Како и да е, таа секогаш настојува да биде отворена и да покаже интерес во преговорите, со тоа што седи на крајот на столот, со лактите на масата, благо навалена нанапред. Зборовите, очите, говорот на телото, настојувајте да бидат целосно ангажирани за време на дискусијата, советува Рос.
