Претседателот на Соединетите Американски Држави, Доналд Трамп, денес изјави дека каматните стапки во САД треба да се намалат за најмалку два до три процентни поени.
„Треба да бидеме најмалку два до три процентни поени пониски… ако работите се влошат подоцна, зголемете ја каматната стапка“, напиша Трамп на својата социјална мрежа „Truth Social“, пред сведочењето на претседателот на Федералните резерви, Џером Пауел, пред Конгресот, објави Ројтерс.
Пауел ќе сведочи пред Конгресот денес и утре, по серијата изјави на Трамп во кои тој повика на намалување на каматните стапки и се осврна на загриженоста на Волстрит за идната насока на Федералните резерви.
Фото: Pixabay