Американскиот претседател Доналд Трамп го објави номинирањето на Џон Јовановиќ, американски финансиски експерт со српско потекло, за директор на Експорт-импорт банката на САД (EXIM).
„Горд сум што го назначив Џон Јовановиќ за претседател и извршен директор на Експорт-импорт банка на Соединетите држави (EXIM)“, рече Трамп, пренесе Си-Ен-Ен.
„Џон ќе го искористи своето огромно искуство во финансиите, инвестициите и развојот на бизнисот во енергетските, стоките и критичните инфраструктурни сектори за повторно да ја направи Америка доминантна во енергијата и производството“, напиша Трамп на платформата Truth Social.
Јовановиќ има богата кариера во приватниот сектор и финансиите, а негова задача ќе биде да ја зајакне EXIM банката за да го поддржи американскиот извоз и економијата.