Грчкиот остров Кимолос, кој се наоѓа во Егејското Море, северно од Милос, ја доби неофицијалната титула за најчиста вода во светот.
Агенцијата за туризам Флорида Панхендл од Соединетите Американски Држави објави листа на плажи со најчиста вода во светот. Тие рангираа 50 плажи според прегледите на патниците, пренесува Greekreporter.
Тие го пресметале резултатот на секоја плажа врз основа на процентот на прегледи кои споменуваат „чиста вода“. Севкупно, повеќе од 2,4 милиони прегледи беа анализирани за да се дојде до најдоброто.
Според сите овие податоци, плажата Праса во Кимолос, Грција ја има најчистата вода во светот.
„Крајбрежјето на Грција е најдолго во медитеранската област, море познато по кристално чистата вода и богатата сина нијанса“, се вели во соопштението на тимот.
Затоа, не е ни чудо што повеќето од најдобрите светски плажи со чиста вода се во Грција, на чело со плажата Праса на островот Кимолос, за која 43,56 отсто од јавно достапните рецензии на патници ја споменуваат фразата „чиста вода“.
Плажата Праса, која се наоѓа на североисточниот брег на Кимолос, е мешавина од ситен бел песок и камчиња, со мирна и плитка вода совршена за пливање и релаксација.
Фото: Facebook
