Јапонскиот дизајнер Кезуке Фуџивара создаде вазни за цвеќиња што нежно се движат кога паѓаат овенатите ливчиња, пишува Designboom.
Вазните, кои што имаат форма на капка, се направени од челик, а благодарение на мал тег во внатрешноста истите можат да стојат на било која површина.
Штом во нив се стави цвет, вазната се навалува дијагонално на еден сосема природен начин, а движењето станува уште поинтересно кога некое овенато ливче ќе падне долу. Малечките вазни се прелеваат во различни нијанси, а нивната површина е еден вид на сферно огледало.
Вазните доаѓаат во пет различни бои чија комбинација одлично го надополнува секој простор во домот или канцеларијата.