Првиот сериски Automobili Pininfarina Battista е завршен и ќе биде изложен на настанот на Monterey Car Week во Монтереј во август. Пред тоа ќе биде прикажан во Монако, додека испораките до клиентите почнуваат летово.
Battista има четири електромотори со вкупно 1.900 КС и 2300 Nm, додека батериите се 120 kWh. Забрзувањето до 96 км/ч трае помалку од 2,0 секунди.
Се вели дека секој Battista поминува низ макотрпен производствен процес во фабриката Automobili Pininfarina во Камбијано, Италија. На тим од 10 занаетчии му требаат околу 1.250 часа за да го направат секој примерок од хиперавтомобилот. Петте примероци на Battista Anniversario го продолжуваат тоа време на производство на 1.340 часа поради неговите опционални елементи.
Automobili Pininfarina ќе произведе само 150 единици од Battista и сака да се погрижи сопствениците да уживаат во овие хиперавтомобили во годините што доаѓаат. Возилото поддржува дијагностика на далечина, а компанијата вработува како што ги нарекува „летачки лекари“ за да помогнат во одржувањето каде и да живее сопственикот.
Клиентите можат да купат и петгодишна или десетгодишна програма за одржување. Достапна е продолжена гаранција за батерии и погон со 10 години покриеност, наместо стандардните три години.
Постои и програма Eterna за снабдување со резервни делови од каросеријата за полесни поправки по судар.
