Кинескиот производител на паметни телефони и електрични возила „Xiaomi“ во понеделник објави дека планира да инвестира најмалку 50 милијарди јуани (6,93 милијарди долари) во дизајн на чипови во текот на најмалку 10 години.
Износот на инвестицијата го истакна основачот на Xiaomi, Леи Џун, во објава на платформата за социјални медиуми Weibo. Претставник на Xiaomi изјави за Ројтерс дека временската рамка за инвестицијата од 50 милијарди јуани започнува од 2025 година.
„Xiaomi“ инвестираше 13,5 милијарди јуани во независен развој на својот напреден мобилен чип XringO1, рече Леи во соопштението, додавајќи дека одделот за дизајн на чипови на компанијата вработува повеќе од 2.500 луѓе.