Фото: Pexels
Искреноста е најбрз начин да се спречи грешката да се претвори неуспех. Без разлика дали е ваша или на некој друг, грешката предизвикува страв и загриженост. Се прашувате што ќе се случи следно и како би изгледало најлошото сценарио. Грешките се непријатни, но исто така играат важна улога во вашиот раст и успех. “Човек кој никогаш не направил грешка, никогаш не се обидел нешто ново“ е познат цитат на Алберт Ајнштајн.
Мали грешки
Повеќето грешки почнуваат како мали работи кои едвај ги регистрирате. Но, бидејќи се преправате дека не се случиле и ги игнорирате, малите грешки прераснуваат во големи. Некои грешки се неизбежни, но некои може да се забележат и избегнат пред да се случат.
Овие неколку предупредувачки знаци ќе ви помогнат да забележите дека грешката е близу.
Незадоволство
Еден од најголемите предупредувачки знаци е кога расте вашето незадоволство. Можеби уживате во идејата за “лесен живот“, но вистината е дека ви е потребен предизвик и излез од комфорната зона. Ако сакате да развиете успешен бизнис треба да останете мотивирани.
Заробени со своите идеи
Можеби секој ден сте опкружени со луѓе, но во вашата глава се само идеи, планови и раст. Станувате фокусирани на работата и се исклучувате од остатокот од светот. На тој начин станувате слепи за можностите, грешките и сè друго. Никогаш не престанувајте да слушате што имаат другите да кажат. Бидете отворени за идеите на другите и постојано проширувајте ја мрежата на контакти.
Постојано велите “да“
“Да“ може да биде опасен збор за вашиот бизнис. Ако постојано го употребувате сигурно ќе бидете претрупани со работа, одговорност и посветеност. Употребувајте го повеќе зборот “не“, за да кажете “да“ за вистинската работа.
Секако, некои грешки се неизбежни. Некои од нив нудат непроценливи лекции што треба да ги доживеете. Но, колку побрзо ќе ги избришете овие грешки на почеток, толку полесно ќе го најдете вашиот пат до успех.
