Фото: Pixabay
Сè што треба веќе сте научиле
Веќе сте совладале се што треба, работите ги извршувате одлично, но не наоѓате веќе ништо интересно и ново. Се чувствувате дека тапкате во место.
Страста повеќе ја нема
Ја нема онаа желба која наутро ве тера да се разбудите и да го започнете работниот ден. Работата станала еднолична и досадна.
Вашите вештини не можат да дојдат до израз
Доколку сте станале преквлификувани за тоа што го работите и не гледате можност за напредок во компанијата, време е да завртите нов лист.
Не се вклопувате во стилот на компанијата
Да се биде вработен значи да се биде дел од тим, но доколку и по неколку месеци се уште се чувствувате како да сте залутале таму, тоа место не е за вас.
Имате ужасен шеф
Доколку однесувањето на вашиот шеф ги преминува границите на толеранцијата и влијае на вашата продуктивност и среќа, време е да заминете оттаму.
Компанијата полека тоне
Кога бродот тоне, треба да се спасите како знаете и умеете. Сигурен знак дека веднаш треба да го напуштите работното место.
Вашиот приватен живот страда
Постојано немате време за вашите пријатели и фамилијата. Финансиските примања нема да го заменат изгубеното време со најблиските.
Стресот го загрозува вашето здравје
Здравјето е секогаш на прво место, па доколку чувствувате постојан стрес, вознемиреност, необјасниви болки и слично, крајно време е да си заминете од токсичната работна средина.
Многу повеќе обврски, а платата непроменета
Кога обврските на работното место се зголемуваат, а платата останува иста, време е да си ја испробате среќата на друго место.