Фото: Pixabay
Доколку уште размислувате дали за започнете сопствен бизнис, еве неколку добри причини да го прифатите предизвикот.
Приказна за споделување
Сопствен бизнис, значи сопствена приказна за споделување со други. Луѓето ќе сакаат да знаат што правите, како сето тоа започна, како се снаоѓате… а вие секогаш ќе го имате задоволството да раскажете, понекогаш да додадете или одземете некој дел.
Гордост
Кога ќе изградите нешто успешно се чувствувате горди на себе. Имавте визија, ја реализиравте и слободно можете да кажете – успеав.
Сигурна работа
Сте биле отпуштени, критикувани, недоволно платени? Овојпат работите ќе бидат малку поинакви. Вие сте газда, вие го “водите шоуто” и нема потреба да се грижите што ќе кажат претпоставените.
Нови познанства
Кога ќе станете претприемач кругот на познанства значително се проширува. Ќе сакате да запознавате повеќе луѓе, да учите од други претприемачи… едноставно ќе имате поголема желба и потреба да споделувате искуства.
Нов свеж почеток
Луѓето сакаат и се радуваат на нови почетоци. Па така кога ќе го започнете бизнисот ќе има многу нови почетоци, предизвици и искуства од кои ќе учите, ќе се надевате и кои ќе ве радуваат.
Менторство
Да се учи од најдобрите и да се подучуваат помладите е навистина непроценливо искуство за секој претприемач.
Можност да станете експерт
Како што ќе напредува вашиот бизнис така ќе напредувате и вие. Ќе знаете многу повеќе и доколку сериозно посветите внимание на работата и едукацијата може да станете и екперт во вашето поле на дејствување.
Креирање на работни места
Не постои поголемо задоволство од тоа дека вие и вашиот бизнис сте придонеле за нови вработувања, за нечиј успех и егзистенција.
Финансиска независност
Можеби и најголемата причина поради која луѓето се одлучуваат за започнат сопствен бизнис. Секој сака финансиска независност. Без разлика како истата ќе ја дефинирате, фонд за во иднина, неограничени средства или можност да купите што сакате, бизнисот може да помогне тоа да го остварите. Парите не ја купуваат среќата, но помагаат полесно да се пронајде.
Поголема одлучност
Можеби сте биле колебливи за многу работи, но од моментот кога ќе влезете во светот на бизнисот тоа ќе смени. Ќе станете многу поодлучни и посигурни во себе и ќе стоите многу поцврсто зад одлуки кои ќе ги носите во животот.
