Излегува дека главниот мотив за отворање мејлови од измамници е… иритацијата. Сајбер-криминалците се потпираат на неа за да се „пробијат“, откри компанијата за управување со дигитален ризик BI.ZONE.
Чувството на иритација е одговорно за повеќе од 50 отсто од измамите со сајбер-криминал, се вели во студијата објавена од РИА Новости. Другите два клучни фактори за успехот на „фишинг“ се невнимателноста и љубопитноста – 43,3 и 38,6 проценти, соодветно.
Иритацијата ја предизвикуваат писмата со кои жртвата ја „информираат“ за нејзиното вклучување во наводна нова услуга која е непотребна. Ова може да биде, на пример, нова услуга за претплата.
Пораките кои се потпираат на невнимание даваат информации што некој има тенденција да не ги проверува детално. Тоа може да биде, на пример, известување за потребата од промена на лозинката.
Користејќи ја љубопитноста, измамниците испраќаат лажни информации што го поттикнуваат корисникот да бара дополнителни податоци. Ова може да биде, на пример, известување за претстојното исклучување на струја, кое се чини дека било испратено од електродистрибутивна компанија.
Околу 20% од успешните измами со е-пошта се потпираат на страв. На пример, сајбер напаѓачите му се закануваат на примачот со откривање на „компромитирачки докази“ кои всушност не постојат.
