Глобалниот пазар на електрични возила (EV) се опоравува од еден од најдраматичните колапси во месечната продажба. Истражувањето на Rystad Energy покажа дека во јануари биле продадени само 672.000 електрични возила, што е приближно половина од продажбата остварена во декември 2022 година и само 3 отсто зголемување во споредба со јануари 2022 година.
Продажбата на електрични возила е на постојана нагорна траекторија во последниве години, а забавувањето на продажбата е вознемирувачка вест за индустријата. Даночните стимулации и владините субвенции досега го поддржуваа пазарот на електрични возила, бидејќи државите ја идентификуваат електрификацијата на возните паркови на патнички автомобили како основна тактика за постигнување на целите за нулта емисија на штетни гасови. Намалувањето или откажувањето на овие субвенции на почетокот на годината имаше негативно влијание врз расположението на потрошувачите. Сега производителите на автомобили се обидуваат да ја сменат надолната траекторија и да го спасат пазарот во 2023 година.
Субвенциите за електрични возила во многу европски земји и Кина беа намалени на почетокот на годината, а враќањето на некоја значајна субвенција е малку веројатно во блиска иднина. Единствената трошка надеж за глобалната перспектива е американскиот пазар, кој е само на почетокот на своето патување на електрификација и воведување даночни олеснувања. САД беа единствениот голем пазар што забележа зголемување на продажбата на електрични возила и уделот на пазарот во споредба со претходната година, иако нивниот придонес во глобалниот вкупен износ сè уште е релативно минимален.
Кина, најголемиот пазар на електрични возила во светот, доживеа речиси 50% намалување на продажбата на електрични возила во јануари 2023 година во споредба со претходниот месец. Иако минатиот месец имаше маргинален пораст на продажбата на електрични возила во Европа од година во година, перформансите на пазарот беа лоши, при што многу земји покажаа голем пад во продажбата на електрични возила од декември 2022 година. Како што се приближуваше крајот на субвенциите за електрични возила, многу потрошувачите побрзаа да платат за нови возила и ги реализираа пред крајот на 2022. Затоа продажбата се зголеми на крајот на 2022 година, но референтните податоци се само благ пораст на продажбата во однос на 2022 година. Ако се очекува електричната револуција, тој раст од 3% е премал, пишува Revijahak.
Сето ова веројатно ја поттикнало Tesla да понуди големи попусти за своите возила, а реагираа и некои други производители на електрични автомобили.
