🎥Британскиот гигант откри детали за својот прв електричен модел

Британскиот производител на луксузни автомобили Bentley ги објави првите детали за својот прв целосно електричен модел, кој ќе се вика „Torcal“, додека официјалната премиера е закажана за 23 септември.

Името „torcal“ е преземено од природен резерват во Андалузија, Шпанија, познат по своите необични варовнички карпи.

Bentley наведува дека името доаѓа и од латинскиот збор „torquere“, што значи „да се извитка“, алудирајќи на високиот вртежен момент на електричниот погон.

Новиот модел ќе биде електричен теренец долг околу пет метри, објавува BBC.

Засега, компанијата не објави податоци за моќноста, капацитетот на батеријата или брзината на полнење, освен дека дометот на новиот електричен автомобил ќе надмине 480 километри.

Според првите информации, „Torcal“ ќе има осветлена предна маска со 3D светлосни елементи, додека ентериерот ќе комбинира закривен централен екран и физички контроли.

Генералниот директор на Бентли, Франк-Штефен Вализер, изјави дека новиот „Torcal“ поставува нови стандарди во сегментот на луксузни автомобили и дека би можел да биде „најдобро осмислениот автомобил во историјата на компанијата“, пренесува Танјуг.