На платформата X, Маск ја коментираше објавата на еден корисник, во која јасно стави до знаење како може да изгледа превозот до далечните дестинации во иднина.
Пред седум години, SpaceX објави видео кое покажува како би можел да изгледа транспортот на иднината и како би можел да стигне до кој било дел од нашата планета за помалку од еден час. Од Њујорк до Шангај би биле потребни само 39 минути (патување кое вообичаено трае околу 15 часа), додека лет од Големото јаболко до Лондон би траел помалку од половина час.
Under Trump’s FAA, @SpaceX could even get Starship Earth to Earth approved in a few years — Taking people from any city to any other city on Earth in under one hour. pic.twitter.com/vgYAzg8oaB
— ALEX (@ajtourville) November 6, 2024
Ова сега е можно, напиша Илон Маск, основачот на SpaceX на платформата X, одговарајќи на коментарот за вселенските летови од корисниците на таа платформа. Тој корисник напиша дека, под Трамп, Федералната управа за авијација може за неколку години да му даде дозвола на SpaceX за летови на Starship кои ќе ги поврзуваат градовите на Земјата за помалку од еден час. Така, наместо повеќечасовни воздушни летови, ракетата ќе стигне до саканата дестинација оддалечена илјадници километри за помалку од 60 минути или за помалку од половина час.
Како е замислено може да видиме во споменатото видео на SpaceX. Патниците од Њујорк прво се качуваат на брод кој ги транспортира до лансирната рампа каде што се наоѓа Starship, најголемата ракета некогаш направена. Во Starship треба да има место за околу илјада патници, а по лансирањето и краток лет ракетата слета на посебна платформа.
Деталите за ваквите летови сè уште не се познати, а она што се знае е дека цената нема да биде за секого, а за очекување е летовите да не бидат најудобни. Имено, одреден период во текот на патувањето тие ќе бидат во бестежинска состојба, што значи дека треба да бидат врзани на нивните седишта цело време во текот на летот.
За време на ваквите летови, изјави претходно Маск, нема да може да се оди во тоалет, ниту да се служи храна, но смета дека тоа нема да биде проблем поради нивното кратко траење.
Иако Маск вели дека такво нешто е веќе возможно, не е тешко да се заклучи дека ќе помине многу време пред да станат достапни вакви ракетни транспортни средства. Пред тоа, Маск и SpaceX имаат многу поважна работа – и далеку од Земјата.
Имено, Starship, чие тестирање трае изминативе неколку години, треба еднаш да ги одведе луѓето таму каде што никогаш не биле – на Марс. Амбициозниот план на Маск е да испрати беспилотен Ѕвезден брод на Црвената планета за две години, а доколку сè биде во најдобар ред, најрано во 2028 година би следела историска мисија за испраќање човечки екипаж на друга планета. Се разбира, како што можеме да видиме од примерот на мисијата за враќање на луѓето на Месечината, тешко е да се планираат вселенски патувања, особено долго и сложено како патувањето до Марс, па затоа не треба да се чудиме ако SpaceX постојано го поместува датум на лансирање на Starship со човечки екипаж на Црвената планета.
