100-те водечки компании во светот доживеаја најголем пад на пазарната капитализација од 2009 година

61

Пазарната капитализација на 100-те водечки светски компании падна за 11 отсто во 2023 година, односно за речиси 3,8 трилиони долари, што е прв годишен пад од 2016 година и најголем пад од глобалната финансиска криза во 2009 година (-39 отсто), покажува нова анализа на PwC во објавениот извештај за 100 водечки светски компании.

Предизвикувачкиот макроекономски амбиент предизвикан од постојаното заострување на фискалната политика, високата инфлација и несигурноста во американскиот и европскиот банкарски сектор влијаеше врз глобалните пазари на капитал. Соединетите Американски Држави, дом на најголемиот број компании на листата на водечки 100 компании во светот, беа главниот двигател на овој пад, намалувајќи ја вредноста за 2,9 трилиони долари. Сепак, според уделот на листата, тие го задржаа првото место, пред Саудиска Арабија и Кина. Европа ги надмина сите други региони, зголемувајќи го својот удел во првите 100 компании во светот од десет проценти во 2022 година на 13 проценти во 2023 година, искачувајќи се на второто место на регионалната листа.

– Извештајот за глобални топ 100 на PwC продолжува да дава важен увид во најзначајните трендови кои ја движат светската економија и клучните динамики на глобалните пазари на акции. Предизвиците на пазарот во текот на минатата година очигледно ги погодија најголемите светски компании. Сепак, закрепнувањето на повеќето сектори во првиот квартал од 2023 година и растот на компаниите во Европа даваат причина за внимателен оптимизам – изјави Стјуарт Њуман, глобален шеф на центарот за ИПО и партнер во PwC UK.

Фото: Freepik