Кога некој ќе го спомне терминот „вештачка интелигенција“, веројатно прво помислувате на OpenAI и ChatGPT, но технолошкото небо е широко за другите стартапи, кои полека влегуваат во трката со своите алатки базирани на вештачка интелигенција.
Врз основа на неодамнешните интервјуа со ризични капиталисти и технолошки директори во просторот за вештачка интелигенција, MarketWatch обединува седум ветувачки стартапи кои оставаат свој белег во Силиконската долина и пошироко, од здравствена заштита до производство.
Inflection AI
Овој стартап е основан од ко-основачот на LinkedIn, Рид Хофман и ко-основачот на Google DeepMind, Мустафа Сулејман.
Двајцата ја претставија првата алатка за разговор со вештачка интелигенција, наречена PI, во мај оваа година.
Ривалот на ChatGPT користи генеративна AI технологија за да комуницира со корисниците преку дијалози каде што луѓето можат да поставуваат прашања и да споделуваат повратни информации.
Imagine AI
Тоа е можеби првиот стартап кој користи вештачка интелигенција за да им помогне на пациентите со онкологија. Имено, преку технологијата за молекуларно тестирање, оваа алатка успеала да спаси барем еден пациент, поради раното откривање на болеста.
– Оваа технологија помогна да се спаси пациент со рак на белите дробови преку способноста да се идентификува специфичен тип на рак за неколку минути, наведувајќи ја соодветната терапија – рече Дејвид Блумберг, основач и извршен партнер на Blumberg Capital, кој е инвеститор на Imagene од Тел Авив.
SafelyYou
Со седиште во Сан Франциско, SafelyYou е систем за вештачка интелигенција кој открива и анализира падови во домови за стари лица во повеќе од 30 држави.
Имено, оваа алатка ги следи постарите лица, го детектира нивниот пад и ги известува негувателите, а исто така анализира како дошло до падот.
DeepL
Oваа технологија на германската компанија е веќе шест години, а се заснова на претплата која им овозможува на корисниците да ја искористат интерната технологија за превод на вештачка интелигенција.
Најчесто се користи од мултинационални компании за оперативна употреба и универзитети за цели на истражување и учење.
На почетокот на оваа година, компанијата наводно собрала повеќе од 100 милиони долари, но тие одбија да ги коментираат наводите.
Absci Corp
Оваа генеративна компанија за откривање лекови со вештачка интелигенција е со седиште во Ванкувер. Технологијата на компанијата, која ги оценува комбинациите на протеини за лекови, соработува со Институтот за рак, Институтот за ревматологија во Оксфорд, како и со клиенти како Мерк.
Aligned AI
Стартапот со седиште во Оксфорд разви техника за модерирање на содржината за која тврди дека ги надминува моделите од OpenAI.
Bright Machines
Оваа софтверска компанија соработува со производителите за да додаде флексибилност и приспособливост на нивното производство.
Преку интелигентна автоматизација, компанијата од Сан Франциско им помага на своите неименувани деловни партнери да го зголемат производството на електронски делови со различни големини и форми на иста лента за склопување.
Ова им овозможи да произведуваат компоненти поблиску до местото каде што се продаваат, со што се избегнат проблеми со синџирот на снабдување.
