![fish-market-7519944_640](https://biznisinfo.mk/wp-content/uploads/2024/07/fish-market-7519944_640.jpg)
Во 2023 година, 9,5 отсто од популацијата на Европската унија не можеше да си дозволи оброк кој содржи месо, риба или еквивалент на вегетаријанска храна секој втор ден, што е за 1,2 процентни поени (п.п.) повеќе отколку во 2022 година (8, 3 отсто).
Понатаму, фокусирајќи се на луѓето во ризик од сиромаштија во 2023 година, учеството на ниво на ЕУ беше 22,3 проценти, што укажува на зголемување од 2,6 п.п. во споредба со 2022 година (19,7 проценти).
На национално ниво, најголем удел на луѓе во ризик од сиромаштија кои не можат да си дозволат соодветен оброк е забележан во Словачка (45,7 отсто), потоа Унгарија (44,9 отсто) и Бугарија (40,2 отсто). Од друга страна, најмало учество е забележано во Ирска (4,2 отсто), потоа Кипар (5,0) и Португалија (5,9 отсто).
Во ЕУ, разликата меѓу вкупното население и населението во ризик од сиромаштија во однос на можноста да си дозволат оброк што им одговара беше 12,8 п.п.
На ниво на земја, Унгарија забележа најголем јаз со 30,2 п.п., следена од Словачка (27,9 п.п.) и Грција (27,3 п.п.). Спротивно на тоа, Шведска, Кипар, Луксембург, Португалија и Ирска пријавија најмали разлики, сите под 4,0 п.п.