Двајца Aвстралијанци Ендру Турон и Пит Сеглински ја креираа Seabin, пловечка канта што се поставува во вода и ја чисти нечистотија од океанот.
Кантата може да собира пластични шишиња, хартија, масло, гориво и детергент коишто пловат по водените површини и ги загадуваат.
Seabin е дизајнирана за да може да се постави во вода до пристаништа, приватни понтони, вештачки водни површини, езера, а дури може да се прицврсти за јахти и мотори на вода.
“Една од нашите цели е да создадеме свет во којшто нема да има потреба од Seabin (морска канта)”, велат овие двајца ентузијасти.
Кантите ги прават сами во нивната работилница, а целта им е да започнат со продажба кон средината на 2016. Сепак, за проектот да успее, на Ендру и Пит им се потребни уште средства што можат да се донираат преку платформата Indiegogo.
