Близу Далас, Тексас се наоѓа реплика на Белата куќа којашто се простира на површина од 1.600 метри квадратни, пишува Elledecor. За разлика од онаа во Вашингтон, оваа Бела куќа нема овална канцеларија, а нејзината цена изнесува 15 милиони долари.
Куќата е изградена во 1996 година и содржи бројни антиквитети како и рачно изработени уникатни парчиња мебел.
Нејзиниот ентериер изобилува со луксузни елементи како мермерни подови и ѕидови од костен. Домот има базен, мало езерце, терен за тенис, градина со преку 200 дрвја. Располага со четири спални соби и пет бањи, лифт, домашно кино, бар и гаража за шест возила.
