Вилата Камден е вистинска дефиниција за тропски луксуз. Се наоѓа на Големиот кајмански остров и чини 6,5 милиони долари, пишува Real life.
Располага со простор од 1.000 метри квадратни, вклучувајќи четири спални соби, четири бањи и два тоалета.
Дневниот простор е прилично простран и заедно со кујната и трпезаријата го прават отворениот концепт вистинско место за уживање. Прозорците се протегаат од подот до таванот, а кога на тоа ќе се додаде и прекрасниот поглед на синото Карипско море, вилата станува едно бајковито место каде ќе посакате да останете малку повеќе.
Главната спална соба нуди панорамски поглед на плажата и палмите, приватната бања вклучува џакузи и балкон, а една од трите тераси на покривот е одлично место за забави или романтична вечера.
