Компанијата на Uber, Otto, којашто развива технологија за самостојно управување на камиони, ја направи првата комерцијална испорака, пишува New York Times.
Самоуправувачкиот камион носеше 2.000 шишиња Budweiser пиво, а помина релација од околу 190 километри. За време на целото патување, во кабината беше присутен и професионален возач. Тој само го надгледувал возењето без да интервенира во ниту еден момент.
Засега оваа технологија може да се примени само додека камионот е на автопат. Штом го напушти автопатот, возачот ја презема контролата и го носи камионот до крајната дестинација.
