Роботот Tertill, на американскиот старт – ап Franklin Robotics, без никаков проблем се справува со плевелот во секоја градина.
Tertill работи со помош на соларна енергија, се движи на четири тркала и многу лесно го елиминира плевелот во градината. Роботот не користи никакви хемикалии, а благодарение на неговиот дизајн, може да ја извршува својата задача и доколку надвор врне дожд.
Вградениот сензор му помага да препознае кога ќе се доближи до одредено растение, по што веднаш се оддалечува без да го оштети. Штом наиде на плевел, веднаш го сече и ја продолжува патролата низ градината.
Во овој момент, Tertill е прототип, а се очекува да се најде во продажба од следното лето, по цена од 250 долари.
