Веќе добро знаеме дека долготрајното седење може да предизвика сериозни проблеми. Еден од начините како да одржувате правилна положба на телото додека седите е иновативниот појас Better Back.
Станува збор за појас којшто се прицврстува за нозете и на корисникот му ја дава неопходната поддршка во седењето. Во појасот се поставува ергономска пена, којашто може да го лади и стопли грбот на корисникот, во зависност од неговата потреба.
Со овој појас телото се држи во правилна состојба, а исправениот ’рбетен столб овозможува нормална работа на мускулите. Дополнително, топлинската терапија ги релаксира мускулите и ја ослободува болката.
BetterBack го собира во обична чанта, а може да се користи во канцеларија, во авион, додека учите, медитирате, јадете и слично.
Првичната верзија на BetterBack, преку Kickstarter, ја добија 22.500 лица од 80 земји. Новата и подобрена верзија повторно се најде на оваа глобална платформа за групно финансирање. Од првично побараните 12.500 долари, досега BetterBack доби околу 129.000 долари.
