Кикладските острови, Лефкада, Кефалонија и Атина во моментов се рангирани меѓу најскапите пазари на недвижнини во Грција, според меѓународната компанија за недвижнини Astons, специјализирана за недвижнини и добивање државјанства преку инвестиции.
Неодамнешното истражување на компанијата меѓу британските инвеститори со средства над 1 милион фунти (1,17 милиони евра) покажа дека Грција е претпочитана дестинација за инвестиции во недвижнини во странство.
Минатата година цените на недвижностите во Грција пораснаа за 2,7%, откако просечната цена од 127.596 евра се зголеми на 131.040 евра. Податоците покажуваат дека тие растат најбрзо во Кукуш (20%), Кардица (17,4%), Превеза (13,6%), Драма (13%), Кожани (12,2%) и други.
Astons посочува дека нивните богати клиенти го посочуваат семејниот живот како најважна работа за нив, како и квалитетот на дестинацијата во која ќе купат имот кога ќе инвестираат.
Затоа можеби најпосакуваната дестинација се Кикладските острови, каде просечната цена во моментов е 222.348 евра.
Пазарот на недвижнини во Лефкада е, исто така, добро место за инвестирање во 2020 година, со раст од 8,7% на годишно ниво. Просечните цени се 164.976 евра, што ги прави имотите поскапи дури и од Атина.
Пазарот на недвижнини во Кефалонија опадна за 1,4%, но сепак – со просечна цена од 162.036 евра, тој е рангиран пред Атина (157.416 евра).
Можете да купите поевтини имоти во Ханија – вториот по големина град на островот Крит (141 илјади евра), Крф (138 илјади евра), Халкидики (136 илјади евра), Ласити (134 илјади евра), Занте (132 илјади евра) и други.
Просечните цени на имотот во Пиреја и Солун се 111, односно 95.000 евра.
Во малиот град Лерин, лоциран близу Северна Македонија – цената е 43.000 евра.
Фото: Pixabay