Европската инвестициска банка (ЕИБ) и Европската комисија (EK) објавија студија за состојбата во областа на вештачката интелигенција и блокчејн технологиите во Европската унија со наслов: Вештачка интелигенција, блокчејн и иднината на Европа: Како новите технологии создаваат можности за зелена и дигитална економијa.
Извештајот покажува дека Европската унија заостанува во развојот и употребата на овие технологии, во споредба со нејзините главни глобални конкуренти.
ЕУ учествува во глобални капитални инвестиции во овие технологии со само 7% годишно (1,75 милијарди евра), додека заедничкото учество на САД и Кина е 80% (25 милијарди евра годишно). Проценетиот инвестициски јаз во областа на технологиите за вештачка интелигенција и блокчејн во Европа може да изнесува 10 милијарди евра годишно. Сепак, Европската унија има добра почетна точка затоа што е на чело на научните истражувања од областа на технологијата и огромна база на талентирани дигитални експерти.
Студијата покажува дека најголемиот број мали и средни претпријатија (МСП) од областа на технологиите за вештачка интелигенција и блокчејн се наоѓаат во САД (2.995), по што следуваат Кина (1.418) и Европската унија (1.232). Друг важен играч е Велика Британија (495). Во Европската унија, најголемиот број компании кои се занимаваат со овие области се наоѓаат во Германија и Австрија, проследено со јужна Европа, Франција и Централна, Источна и Југоисточна Европа.
ЕУ има голем потенцијал да им конкурира на САД и Кина
Целото деловно опкружување во ЕУ има голем потенцијал да им конкурира на Америка и Кина. Земјите во ЕУ имаат повеќе специјализирани истражувачи од другите земји и, како по правило, имаат најмногу научни истражувања од областа на технологијата.
Некои земји членки постигнуваат одлични резултати во дигиталниот сегмент, што укажува на тоа дека тие се во добра позиција за ефикасно воведување на вештачка интелигенција и блокчејн технологии во различни сектори. Европа исто така има најголема база на талентирани истражувачи во областа на вештачката интелигенција, со околу 43.064 (од кои 7.998 се во Велика Британија), во споредба со 28.536 во САД и 18.232 во Кина.
“Вистинската додадена вредност на вештачката интелигенција и блокчејн технологијата сè уште не е постигната – во индустриски, деловни и јавни апликации. На тоа поле, Европа може да ја достигне конкуренцијата, па дури и да го преземе водството “, рече потпретседателот на ЕИБ Тереза Червинска, одговорна за инвестициите на ЕИБ во иновации.
“Ние мора да се осигураме дека развојот на овие нови технологии е правилно насочен и дека нашите европски вредности се почитуваат. И треба да ги засилиме нашите заеднички напори во таа насока. За да го постигнеме ова, како што покажува нашата студија, треба да инвестираме повеќе и побрзо, особено во развиени почетни компании. Благодарение на групата ЕИБ, земјите од ЕУ имаат идеален инструмент за поттикнување развој на решенија базирани на податоци, подобрување на квалитетот на истражувањето на пазарот и помагање во градењето на позелено, попаметно општество и посилна Европа“, додаде таа.
