Истражувачи од Универзитетот во Аризона развија ултра тенок уред кој трајно прераснува во коскено ткиво и безжично ги пренесува податоците. Технологијата може да им овозможи на лекарите да го следат здравјето на коските на пациентот со текот на времето за прецизно да следат како тој закрепнува од повреда.
Новиот уред, кој тимот го нарекува „електроника на површината на коските“, содржи збир на сензори спакувани во флексибилна обвивка со големина на мала паричка и дебела како лист хартија, пишува NewAtlas. Овој тип на гаџет може безжично да пренесува податоци за коските на паметен телефон или друг надворешен уред. Најинтересно е што не им треба батерија за работа – тие го користат протоколот NFC за пренос на податоци.
За да може уредот долго време да се закачи за коската, тимот разви „лепило“ кое содржи керамички честички од калциум фосфат. Ова му овозможува на уредот да срасне во коската. На овој начин трајно се врзува за коската.
„Електрониката на површината на коските“ е доволно тенка за да не ги иритира мускулите што се движат одозгора. На крајот, научниците се надеваат дека таквите уреди ќе бидат вградени кај луѓе со болести како што е остеопорозата за да се обезбеди долгорочно следење на нивното здравје на коските. Гаџетите може да помогнат по фрактура за да им овозможат на лекарите да го гледаат заздравувањето на коската.
„Да се биде во можност да се следи здравјето на мускулно-скелетниот систем е исклучително важно“, вели Филип Гутруф, коавтор на студијата. Со овој интерфејс, во суштина имате „компјутер на коска“. Оваа технолошка платформа ни овозможува да креираме алатки за следење за да дознаеме како функционира мускулно-скелетниот систем и да ги користиме собраните информации за закрепнување и терапија.
Тимот го тестирал уредот на животни, покажувајќи дека гаџетите може да се вградуваат во мали и големи коски, а податоците во реално време може да се читаат со паметен телефон.
