Илон Маск неодамна на својот Твитер изјави дека треба да живееме во стаклени куполи пред да го колонизираме Марс.
Имено, Маск сака да го оствари својот сон да ги направи луѓето мултипланетарен вид и да ја изгради првата колонија на Марс до 2050 година. За да може Црвената планета да биде погодна за живот, Маск претходно предложи тераформирање на Марс со нуклеарен удар на неговите два пола.
Но, сега кога сфати дека за таков план ќе бидат потребни речиси сите резерви на нуклеарни боеви глави во светот, Маск прифати малку поразумен пристап кон колонизацијата. „Тераформирањето ќе биде премногу бавно и можеби нема да го доживееме, но можеме да изградиме човечка база на Марс. Барем идната вселенска цивилизација, кога ќе ги открие нејзините остатоци, ќе биде импресионирана што сме стигнале толку далеку“, посочи тој. .
Науката не е баш на страната на Маск. Истражувањата покажаа дека едноставно нема доволно јаглерод диоксид на Марс за да се создаде атмосфера што може да поддржува живот на површината. Сепак, Елон не се откажува од својот план, па Space X моментално ја развива својата нова генерација ракети.
Станува збор за вселенски брод наречен Starship, кој е создаден да носи 150 тони или 100 луѓе во орбитата и да може да се наполни гориво во вселената. Маск рече дека една од првите колонизациски мисии на Марс ќе носи опрема за изградба на површинска бензинска станица, а Starship потоа ќе биде базата. Тој откри дека првите екипи со екипаж би можеле да започнат веќе во 2026 година.
Фото: Pixabay
