Хаосот предизвикан од недостигот на делови се заканува да ја врати автомобилската индустрија неколку децении наназад, барем кога станува збор за бројот на возила што се произведуваат годишно.
Иако некои директори на автомобилски гиганти веруваат дека ќе има подобрувања во оваа област следната година, Volkswagen не дели таков оптимизам.
Според германскиот Менаџер Магазин, во Volkswagen не гледаат реално сценарио во кое следната година работите ќе се подобрат во оваа област.
Тие очекуваат да произведат околу осум милиони автомобили во 2022 година, што ќе биде за еден милион помалку од оваа година. Неименувани извори наведуваат дека и во најдобар случај обемот на производство ќе биде помал од 2021.
Слични очекувања имаат и од Audi, чиј прес-сектор излезе со официјално соопштение. „Не очекуваме дека ситуацијата со снабдувањето со микрочипови ќе се стабилизира следната година“, велат претставници на Audi.
Истото е и со Škoda, која целосно го прекина производството во чешката фабрика кај Млада Болеслав. Работниците ќе бидат на одмор од 23 декември до 10 јануари. Оливер Блум, извршен директор на Porsche, изјави дека оваа марка многу добро се справила со недостатокот на спорни компоненти оваа година, пред сè поради преференциите на групацијата да се фокусира на возилата кои носат најголем профит.
Сепак, и тој е песимист. „Секој што мисли дека овој проблем ќе исчезне следната година, грешки“, изјави неодамна шефот на Porsche.