Spotify соопшти дека работи на додавање советодавни предупредувања на секој подкаст на својата платформа, во кој се разговара за коронавирусот.
Директорот на компанијата Даниел Ек ги откри плановите да им се забрани на вработените во стриминг гигантот да споделуваат „измамнички“ информации кои можат да претставуваат закана за јавното здравје.
Тој рече дека новото советодавно предупредување на платформата ќе ги пренасочи корисниците кон центарот за податоци за факти за коронавирус.
Овој потег следи по критиките за работата на платформата со Џо Роган, американски презентер на подкаст кој интервјуираше скептици за вакцините.
Ек рече дека компанијата ќе ги објави своите „Правила за платформи“, кои ќе вклучуваат упатства за креаторите на она што платформата го опишува како „опасна“ и „измамничка“ содржина.
Новите правила ги разви компанијата заедно со тим од надворешни експерти и редовно ќе се ажурираат, изјави шведскиот милијардер.
Компанијата беше критикувана за ставовите на нејзината ѕвезда, водителот Џо Роган, кој се согласи на договор од 100 милиони долари за да го премести неговиот популарен подкаст исклучиво на платформата кон крајот на 2020 година. Роган не промовира вакцинација кај младите луѓе и препорачува користење на недокажан антипаразитски лек „ивермектин“ за третман на вирусот.
Оваа недела, музичарите Нил Јанг и Џони Мичел станаа првите во низата шоумени кои побараа нивната музика да биде отстранета од платформата.
Јанг ја нарече страницата „дом на опасни по живот дезинформации за пандемијата“ во објава на неговата веб-страница.
Војводата и војвотката од Сасекс, исто така, ја искажаа својата „загриженост“ на Spotify за дезинформациите за Ковид, но ќе продолжат да работат со платформата.
„The Joe Rogan Experience“ сè уште е најпопуларниот подкаст на Spotify, со 200 милиони месечни преземања.