2021 година беше исклучително интересна година за европскиот пазар на мобилни телефони. На почетокот, имаше знаци дека пазарот ќе закрепне по тешката 2020 година. Но, КОВИД-19 продолжи да има значително влијание, а откако неизвесноста стивна, се појави уште еден проблем: недостигот на компоненти. Така, закрепнувањето во 2021 година беше само делумно, според Counterpoint Research.
Пазарот порасна за 8 проценти во текот на изминатата година, но не успеа да го надомести падот од 14 проценти од 2020 година.
Минатата година беше интересна и од друга причина: лидерот на пазарот се смени четири пати.
Благодарение на своите први 5G модели, објавени во есента 2020 година, Apple силно ја започна 2021 година и зазеде водечки пазарен удел од 34 проценти. Во февруари, Samsung го објави својот S21, при што корејскиот производител забележа раст на продажбата од 24 отсто во споредба со јануари и се врати на првата позиција. Сепак, од мај наваму, Samsung почна да доживува проблеми со затворањето на погоните поврзани со КОВИД-19 во Виетнам.
Од своја страна, ова ја отвори вратата за Xiaomi и во јуни кинеската компанија за прв пат успеа да се искачи на првото место во Европа. Водството беше краткотрајно откако Samsung ја врати круната благодарение на силната продажба модели од серијата А и го зголеми своето водство по лансирањето на Galaxy Z.
Во ноември 2021 година, имаше уште една промена: iPhone 13 му помогна на Apple да го преземе водството во последните два месеци од годината. И во декември, компанијата го забележа својот најголем пазарен удел во Европа во историјата.
И покрај тешкотиите во текот на годината, кои вклучуваат и недостиг на компоненти, Xiaomi забележа импресивен раст од 50 проценти.
Уште три кинески компании стануваат уште посилни – Oppo, Vivo и Realme.
Во исто време, Huawei објави пад од 90 проценти и има само 1 процент удел.
