Кризата предизвикана од короната ги погоди сите и не поштедува ниту една општествена класа, дури ни најбогатите. Така барем велат водечките лидери на успешни компании.
Што мислат извршните директори за тековните настани, инфлацијата, синџирот на снабдување и идната технологија?
„За време на овие периоди на инфлација, семејствата со среден приход, семејствата со понизок среден приход, па дури и побогатите семејства стануваат почувствителни на цените“, рече Даг МекМилон, извршен директор на Волмарт.
„Стапките на контејнерски транспорт што ги видовме во октомври, мислам дека се можеби највисоки досега, барем колку што се сеќавам во текот на моите 30 години… Не мислевме дека може да се зголеми од тоа ниво, но тие се зголемија , за речиси 50% во декември, јануари. Како бизнис лидер, мислев како може да биде полошо од ова? А потоа станува полошо…“, изјави Крис Шрингер, извршен директор на Вебер.
„Инфлацијата во четвртиот квартал беше повисока отколку што очекувавме во октомври. Завршивме со ниска двоцифрена бројка. Но, за 2022 година, очекуваме оваа инфлација да биде повисока во првата отколку во втората половина од годината“, рече Извршен директор Хајнц, Пауло Базилио.
„Речиси две години по пандемијата, јасно е дека поминуваме низ најголемата промена на полето на патувањето. Работата од далечина ослободи многу луѓе од потребата да бидат во канцеларија, а како резултат на тоа , луѓето се преселуваат во други градови со недели, месеци или дури и цели сезони. За прв пат во историјата, милиони луѓе сега можат да живеат каде било“, вели извршниот директор на Airbnb, Брајан Чески.