Facebook на Meta ја засилува својата конкуренција со кинеската социјална мрежа TikTok откако го лансираше својот краток видео производ Reels за сите глобални корисници на мрежата, пишува Euronews. Исто така, воведува многу нови функции за огласувачите.
Меtа е среде засилена битка со TikTok, која беше најсимнуваната апликација во 2021 година.
Американскиот гигант, исто така, беше погоден од влијанието на функцијата за приватност на Apple минатата година, што го наруши неговиот бизнис со дигитално рекламирање
Како резултат на тоа, пазарната вредност на Меtа падна за повеќе од 300 милијарди долари.
Со проширувањето на Facebook Reels ширум светот, Меtа ќе го претстави својот нов формат за содржина во повеќе од 150 земји.
„Сакаме Facebook Reels да биде најдоброто место за уметниците да се поврзат со нивната заедница и да заработат за живот“, рече Марк Цукерберг во својата објава.
Меtа го претстави Reels во август 2020 година на своите корисници на Instagram во Соединетите држави како одговор на TikTok, кој е во сопственост на ByteDance.
Потоа, во септември минатата година, компанијата го претстави Reels на корисниците на Facebook во странство.
