Извештајот објавен оваа недела од Европската агенција за животна средина утврди која земја на Стариот континент има најчиста вода и е најдобра дестинација за капење, Австрија е на врвот на листата, а потоа следат Малта, Грција и Хрватска.
Квалитетот на европските води за капење е драстично подобрен во последните децении, а новиот извештај на Европската агенција за животна средина (ЕЕА) открива дека речиси 85% од нејзините области за капење сега се оценети како „одлични“.
Годишниот извештај за водата за капење следеше речиси 22.000 области за капење во внатрешноста и крајбрежјето во земјите-членки на ЕУ, Албанија и Швајцарија во 2021 година. Обединетото Кралство, по напуштањето на ЕУ, за прв пат отсуствуваше од извештајот.
Австрија која нема излез на море, позната по многуте прекрасни езера, вклучувајќи ги и алпските води на езерото Ахен во Тирол и езерото Вајсен со боја на смарагд, е на врвот на листата, со 97,7 отсто од нејзините води прогласени за одлични.
Веднаш зад неа на врвот на листата се четирите фаворити за одмор на Медитеранот: Малта, Грција, Хрватска и Кипар.
Данска и Германија останаа земји во кои добија најдобра оценка од девет од 10 локации.
Португалија е на 10-то место со 88,5 отсто, додека Италија (87,9 отсто) и Шпанија (87,4 отсто) се на 12-то и 13-то место.
Француските туристички жаришта заостануваат на ранг-листата, со 75,7 отсто, додека Полска е најниско рангирана со само 44,5 отсто – зад Словачка со 50 отсто и Унгарија со 60,2 отсто.
Оценката ја направи Европската агенција за животна средина во соработка со Европската комисија. Локалните и националните власти земаа примероци од вода за време на сезоната на капење и ги анализираа за типови на бактерии кои укажуваат на загадување на канализацијата и сточарство.
