Кинескиот произведувач на компјутери Lenovo на своите вработени ќе им подели годишни бонуси од три милиони долари, јавува Ројтерс.
Портпаролот Ангела Ли потврди дека за 10.000 работници во Кина и уште 19 земји се издвоени 3,25 милиони долари бонус, како признание за нивната посветеност.
Во компанијата работат околу 30.000 работници ширум светот, а 8.500 до 9.000 од тие што ќе добијат бонуси работат во Кина, додека останатите се во САД, Јапонија и други земји.
Lenovo по продажба го престигна американскиот Hewlett – Packard (HP) кој го држеше првото место последните седум години и стана најпродаван компјутерски бренд во светот.
