Да се најде врвен хотел овие денови не е тешка задача. Нови атрактивни места за престој постојано отвораат врати.
Меѓу огромната разновидност, ориентир може да ви биде рангирањето на специјализираното списание за патувања Travel + Leisure.
Секоја година, неговите читатели гласаат во анкета и ги рангираат најдобрите хотели на планетата. Тие ги оценуваат условите, локацијата, услугите, храната и други фактори.
Годинешните резултати се готови и на врвот на рангирањето наоѓаме италијански хотел. Сместен е во Монталчино и се вика Rosewood Castiglion del Bosco.
Што е толку посебно во Rosewood Castiglion del Bosco?
За почеток, хотелот е опкружен со поглед кој го одзема здивот. Зафаќа површина од 2000 хектари. Зданието има 800-годишна историја и лозја се наоѓаат во негова непосредна близина.
Од Castiglion del Bosco имате поглед од 360 степени кон природниот парк Val d’Orcia, заштитен од УНЕСКО и малиот град Монталчино на врвот на ридот.
Самиот хотел комбинира рустикално тосканско наследство со многу модерни елементи. Имате сè што може да ви треба – тениски терени, спа центар, часови за готвење, винарија и софистицираност на секој чекор.
Доколку сте заинтересирани да дознаете кои други хотели се во овогодинешната топ 10 на специјализираното списание, еве ги:
Rosewood Castiglion del Bosco, Монталчино, Италија
Grace Hotel, Auberge Resorts Collection, Санторини, Грција
Waldorf Astoria Maldives Ithaafushi, Малдиви
Pickering House Inn, Волфборо, САД
One&Only Reethi Rah, Малдиви
Royal Mansour, Маракеш, Мароко
Capella Ubud, Бали, Индонезија
The Lowell, Њујорк, САа
Hôtel Madame Rêve, Париз, Франција
Rosewood Villa Magna, Мадрид, Шпанија
